Maaifoedie

Die woord “maaifoedie” het eens dieselfde trefkrag gehad as die Engelse vloekwoord “motherfucker”. Maai is afkomstig uit die Maleis-Portugese “may” wat “moeder” beteken het.

Foedie het sy oorsprong in die Latynse “futuere” wat beteken “om seks te hê”.

In Maleis-Portugees was dit een van die ergste vloekwoorde wat jy kon gebruik. Dit impliseer dat die persoon en sy / haar moeder seks gehad het. Dit was aanvanklik “mayfoede” en “maaifoedie” (Boshoff en Nienaber 1967: 399).

In Afrikaans het die woord sy trefkrag verloor en dra nou omtrent dieselfde gewig as “karnallie” en “vabond”.

Die volgende visserstaal aanhaling kom uit Rapport van 3 Februarie 1974: “klein maaifoetertjies, so klein vissietjies wat sta-sta peuter aan die asies.”

Bron:

Boshoff, SPE & Nienaber, GE. 1967. Afrikaanse etimologieë. Pretoria:Suid-Afrikaanse akademie vir wetenskap en kuns.