Clint Eastwood en sy jonger (dit beteken onder 70) maatjies bring vir ons ´n goeie ou fliek, soos net Eastwood dit kan doen. Jammer tog dat hy van sy eie karakter ´n nar maak met simpel stukkies teks en macho bravades.
Die film raak bietjie morbied aan die einde en by daai tyd irriteer die klomp ou toppies met hangboude jou grensloos. Afgesien hiervan bly dit tog ´n netjiese stukkie werk en Eastwood, Tommy-Lee Jones en Donald Sutherland wys dat jy jou eie ouderdom kan speel en nog steeds opwindend kan wees.
Regisseur: Clint Eastwood
Met: Clint Eastwood, Tommy-Lee Jones, Donald Sutherland, James Cromwell, James Garner, Courtney B. Vance, Jay Leno
6 op ´n skaal van 10