Langtafel met Louis Jansen van Vuuren

Kom sit aan saam met die kunstenaar, Louis Jansen van Vuuren, by ‘n langtafel wat opgetower is met boerekos deur Isabella Niehaus, in die agterplaas van die Breytenbach Sentrum in Wellington op 16 Maart.

Ontmoet op dié Bolandse skemeraand om 18:00 in die bekorende digterstuin vir ’n glasie vonkel. Distrik 7 se boeremusiekklanke sal sorg vir ’n tikkie nostalgie en later dans ons langarm op die stoep.

Prys: R750. Die winste van hierdie aand gaan ten bate van visuele kunsopleiding, by die Breytenbach Sentrum, aan talentvolle kunstenaars uit armkansige gemeenskappe.

Kom besigtig verder Jansen van Vuuren se boeiende uitstalling, Anamnese, in die Breytenbach Galery. Die uitstalling duur tot 5 April 2013. Belangstellendes kan die galery weeksdae vanaf 9:00 tot 17:00 besoek en Saterdae vanaf 9:30 tot 13:00.

Lewer kommentaar

Lewer kommentaar