“Alles is twee maal so lekker en dinge klink net soveel groter.”
Só beskryf een van die groot name by vanjaar se Jan Marais-konserte, Dr Victor van Dr Victor & The Rasta Rebels, hierdie reeks opelugkonserte.
Mede-kunstenaar Emo Adams, wat op 5 Oktober saam met die dokter en sy manne op die verhoog gaan wees, stem saam: “ ’n Buitelugkonsert is malligheid, dis hoë energie, dis crazy – dit gaan mal, gaan bos! Maar buitekant.”
Bring jou geliefdes en jou feesgees vir dié jaar se spesiale konserte met immergewilde Ricus Nel, die dinamiese vroue van BlackByrd saam met Elandré, die saamsingtreffers van Matthew Mole en dan die sensasionele pop-duo al die pad van Kanada, Neon Dreams.
Woordfees 28 September – 6 Oktober
