Tasché en kitaarspeler, Matthew Duncan, gaan ‘n intieme kragtoer van ‘n akoestiese vertoning lewer by Die Boer op 25 Oktober 2023. Hierdie spesiale vertoning sal haar nuutste treffer, “Sal jy vir my wag” en haar ander oorspronlike treffers soos “Baby, ek bly” insluit.

Hulle gaan die gehoor ook trakteer op onuitgereikte liedjies wat nog selde vir die publiek gespeel is, wat hierdie vertoning ekstra spesiaal maak. Sy en Matthew gaan die gehoor ook gelukkig maak met die lekker covers wat haar bekend gemaak het, onder andere “Vier seisoene kind” en “The Story”.

Tasché se talent is sonder twyfel wêreldklas. Haar aangrypende stem en boeiende vertolking van plaaslike en internasionale treffers het haar in 2019 die The Voice SA S3 titel in die sak gebring. Sedertdien het sy verskeie oorspronklike liedjies vrygestel soos “Die een”, “Tweedehandse hart” en “Pappa probleme”.

By Die Boer teater in Durbanville op 25 Okt om 20:30

Kaartjies kos R170 en is beskikbaar by 021 979 1911 of aanlyn by www.dieboer.com

Tasché met Matthew Duncan
Tasché met Matthew Duncan

Lewer kommentaar

Leave a Reply