Jazzart Dance Theatre vier vanjaar hul 50ste bestaansjaar. Om die geleentheid te vier, begin die kontemporêre dansgeselskap ’n ambisieuse jaar van optredes en kulturele aktiwiteite onder die vaandel: 50 Years of Dance. Hierdie geleenthede sal die geselskap se ryk geskiedenis, hul invloedryke kulturele uitreiking ten toon stel asook die bydraes van die vele vier dansers, choreograwe, onderwysers en leiers wat die organisasie gebou het en steeds tot nuwe hoogtes neem.
Jazzart het sedert hul stigting in 1973 ’n beduidende bydrae tot kuns en kultuur, erfenis, jeugontwikkeling en werkskepping gelewer en was aan die voorpunt van die dansbedryf, wat die grense van Afrika-kontemporêre dans verskuif en die ryk kultuur van Suid-Afrika verken.
Marcus Desando, Voorsitter van die direksie sê oor hierdie viering: “In hierdie belangrike mylpaaljaar vir Jazzart glo ons dit is die ideale tyd om ons kulturele aanbod ten toon te stel as ’n jarelange dansgeselskap en opleidingsinstelling wat suksesvol gegroei het en bygedra het tot dans vir ’n halwe eeu. Dans is ’n uitsonderlike uitdrukking van die self, omstandighede en narratief en is waarskynlik nou belangriker as wat dit nog ooit was, in ’n tyd waar die wêreld kreatiewe uitlaatplekke nodig het om te ‘laat gaan’.”
Die 50 Years of Dance se vieringsprogram sal begin met ’n opwindende internasionale produksie en wêreldpremière van Requiem: Journeys of the Soul gechoreografeer deur Jazzart se artistieke direkteur Dane Hurst, in samewerking met Phoenix Dance Theatre en Opera North. Dit bevat twee nuwe danswerke gegrond op die klassieke musiek-meesterstuk, “Requiem” deur Wolfgang Amadeus Mozart en ’n nuwe komposisie “After Tears” deur die gevierde Suid-Afrikaanse komponis Neo Muyanga. Die volledige produksie het 16 dansers met 40 operasangers plus lewendige orkes bevat by die wêreldpremière by die Leeds Grand Theatre vroeër vanjaar.
Die geselskap is nou terug in Suid-Afrika om die viering tuis by die Nasionale Kunstefees in Makhanda van 30 Junie – 2 Julie voort te sit. En steeds op die tuisfront, sal die nuwe kohort leerlinge van die Driejarige Dansopleidingsprogram gelei deur die nuut aangestelde Opleidingsbestuurder, Celeste Botha, hul talent ten toon stel by ’n ateljee-optrede van 4 Julie – 8 Julie. Avid Friends of Jazzart word aangemoedig om deel te neem aan die begin van die reis van hierdie jong kunstenaars. Hierdie aand van dans sal ‘’n dag in die lewe van ‘n Jazzart-leerlingdanser’ vertoon en sluit ’n nuwe werk deur die vorige artistieke direkteur, Sifiso Kweyama, in.
Jazzart sal vir die res van die jaar voortgaan om vertonings te toer wat uitloop op die première van Jazzart Dansteater se Meraki-fees – Meraki (v.) om iets met siel, kreatiwiteit of liefde te doen; om ‘n stukkie en essensie van jouself in jou werk te laat. Die fees vind van 5 Oktober tot 14 Oktober by Kunstekaap plaas met ’n magdom gevierde en veelbekroonde plaaslike en nasionale choreograwe, dansers en geselskappe, insluitend Kaapstad Opera, Kaapse Filharmoniese Orkes en die Verenigde Koninkryk-gebaseerde Phoenix Dance Theatre in die heropbou van Requiem: Journeys of the Soul. Die Jazzart-herdenking beloof om ’n ware viering van dans regoor Suid-Afrika en verder te wees met ‘n opwindende, aangrypende en prikkelende program ter viering van die krag en lang lewe van kontemporêre dans.