Dood van ‘n verkoopsman

Dood van ‘n verkoopsman

Roekeloos

Willie Loman kén van tussenin – dis waar hy homself sy lewe lank nog bevind. Maar in die lewe van ’n verkoopsman is daar nie veel tussen ’n Skyline en ’n Camry nie; nóg minder tussen Cheddar en rooiskilkaas.

Ná 36 jaar kyk hy terug op die langpad terwyl sy wiele
plek-plek die gravel raaktrap. Nou’s dit sy laaste “tussenin” … iewers tussen ’n brugrailing en ’n hosepipe.

Bobby Heaney, die gesoute verhoog- en TV-regisseur van onder andere die TV-reeks Erfsondes, behartig die regie en word bygestaan deur Henriëtta Gryffenberg. Heaney was voorheen die regisseur van Death of a Salesman met wyle Bill Flynn in die hoofrol, ’n produksie wat landwyd groot gehore getrek het.

Death of a Salesman is in 1949 vir die eerste keer in die VSA opgevoer en het die Pulitzerprys vir drama gewen asook die Tony-prys vir drama.

Ben Kruger speel die hoofrol in hierdie Afrikaanse weergawe.

Moontlik gemaak deur die Feestrust. ’n Aardklopinisiatief.

Teks: Arthur Miller (oorspronklik Death of a Salesman)
Vertaling: Andries Vrey
Regie: Bobby Heaney
Met Ben Kruger (as Willie), Bettie Kemp (as Linda), Louis van Niekerk, Johan Baird,
Zetske van Pletzen, Jody Abrahams en Paul du Toit.

Ben Kruger
Ben Kruger
KKNK 2010

150 min. R100 ATKV-ouditorium
5 Apr. 09:00 6 Apr. 19:30 7 Apr. 09:00 7 Apr. 14:00 8 Apr. 14:00

Lewer kommentaar

Lewer kommentaar