In teenstelling met 2009 se sci fi, wat bestaan uit botsende stukke metaal, opgedollie met spesiale effekte, spreek District 9 tot die kyker se grysstof.
Regisseur en skrywer Neill Blomkamp se benadering herinner aan 2008 se Cloverfield en troon uit bo ander aanbiedinge wat oorspronklikheid betref. Blomkamp se medeskrywer is Terri Tatchell. Die vervaardiger van District 9 is die bekende Peter Jackson.
District 9 is ‘n film oor ‘n groep vreemde wesens wat asiel soek op die aarde. District 9 is die area, in Suid-Afrika, waar hulle aangehou word, terwyl die aardbewoners besluit wat om met hulle te doen. (Neill Blomkamp, Roekeloos, 2 Augustus 2009)
Hoe afgesaag dit ook al vir sommige Suid-Afrikaners mag voorkom is die Apartheid / xenofobie ooreenkomste ooglopend, maar beslis onmisbaar vir die storie. Blomkamp bied dit aan as ‘n faux-dokumentêr. Dit voel eg. In Gauteng gaan mense onwillekeurig in die rigting van Soweto kyk en verwag om ‘n groot ruimteskip daar te sien hang.
Suid-Afrikaner Sharlto Copley staan stewig in die skoene van die hoofkarakter Wikus van der Merwe. ‘n Hollywood ster in die hoofrol sou beslis afbreuk doen aan die fliek.
District 9 is glad nie wat jy verwag nie. Dit sal vir 2009 wees wat Cloverfield vir 2008 was en The Blair Witch Project vir 1999.
Met: Sharlto Copely
Regisseur: Neill Blomkamp
bydrae: JM
3½ / 5
Skakel na voorprent van District 9
18 Augustus 2009
(Stuur jou resensies na bydraes by roekeloos.co.za)
Related posts:
District 9 steek die Suid-Afrikaanse draak met ‘n fyn swaard morsdood.
[...] sci fi fliek District 9 het 7 nominasies ontvang vir die Britse Akademie se Film-toekennings (BAFTAs), die Britse [...]
[...] Bacigalupi se The Windup Girl is bekroon as die beste roman en die Suid-Afrikaner Neill Blomkamp se District 9 het die Bradbury-toekenning ontvang vir die beste dramatiese [...]