Kieslys

Close


*/

25 Augustus
2006
Teater
1605 keer gelees
(*slegs web-weergawe)

Op die Vrou af

André le Roux se vlymskerp, skreeusnaakse waarneming, wat in sy populêre rubriek in Sarie ‘n tuiste vind, het al menige getroude paartjies laat dink: maar dis mos óns daai.

Nou is hierdie rubrieke verwerk as ‘n musiekteaterproduksie deur Hennie van Greunen, ‘n veelbekroonde storieverteller, wie se werk jaar na jaar vir uitverkoopte sale speel. Sy vorige produksies sluit treffers in soos Blougat, Lyf, Junkiedrome, Jong Dames Dinamiet, Die Laaste Aand, Café Boerlesque, Wydekloof, Pello en Anna se Engel.

Dan is daar twee feeshelde, wat laas in 2001 saam op die verhoog gesien is: Pedro Kruger en Sarah Theron. Pedro se reputasie as storieverteller, sanger, akteur, pianis en liedjieskrywer is al keer op keer bewys in produksies soos Blougat, Lyf, Junkiedrome, Pello en Anna se Engel. As spankaptein op kykNet/M-Net se gewilde Liriekeraai is hy ook ‘n ou bekende op die televisieskerm.

Sarah Theron het een van die mees indrukwekkende stemme wat tans in ons land optree. ‘n Veteraan wat al meer as twee dekades in die vermaaklikheidsindustrie werk, het sy ook ‘n draai gaan gooi by Egoli, en haar feestreffers Vurige Diva en Suiwer Sarah lê nog vlak in feesgangers se geheue.

Nou span Hennie, Pedro en Sarah saam om André se werk te herinterpreteer vir die verhoog. En hierdie realiteitssitkom gaan kook, want die waarheid sal uit: poligamie is wel ‘n goeie idee. Mans haat dit as jong bokkies hulle ‘oom’ begin noem. Mens moenie Viagra sluk ‘n uur voor jou baas oorkom vir ete nie. ‘n Brasiliaanse wax heet ook ‘die landingstrook’. Kommunikasie is nie altyd maklik nie. Vrouens bel te veel, mans praat te min. Op die vrou af is ‘n vertoning waar mans en vrouens vingers na mekaar gaan wys, waar die musiek kook en die humor oorloop. Die vertoning het geopen by die 2004 Klein Karoo Nasionale Kunstefees vir uitverkoopte sale en staande ovasies en toer steeds DRIE JAAR LATER landwyd.




1 Opinie:

Gee jou mening







Gereeld gelees

11 Julie 2010
Teater
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Teater
Kort grappe
Jou ma is so kort, mens ...
27 November 2010
Teater
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
07 Januarie 2009
Teater
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.
24 Mei 2012
Teater
Kort grappies
Wat is die verskil tussen ’n voël en 'n vlieg?

Onlangse kommentaar

Die Konings (drag kings) | Roekeloos
2018-10-16 08:07:07
[…] Die Konings is ’n werkswinkel kabaret wat trek uit die tradisies van drag kings, sat...
Gedigte van Fransi Nieuwoudt | Roekeloos
2018-10-12 08:22:10
[…] Digters […]...
Wat die water bring, ’n gedig deur Sheridan Walter | Roekeloos
2018-10-09 09:34:28
[…] Nog gedigte van Sheridan Walter […]...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD | Ons toets tans ’n kode om wiskundige probleme op te los met behulp van gebruikers se blaaiers; om nie afhanklik te wees van advertensies nie.