Die wêreld se hoogste toring, die Tokyo Skytree, het vandag vir die publiek oopgemaak in Tokio, Japan. Kaartjies is reeds tot middel Julie uitverkoop.
Die 634 m toring is sowat twee keer hoër as die Eiffeltoring. Konstruksiewerk aan die toring het 4 jaar geduur.
Die toring huisves Japan se ses voorste televisiekanale en radiostasies. Die onderkant van die toring huisves verskeie restaurante, winkels, ‘n akwarium en ‘n planetarium.
