Twee jaar gelede is haar man oorlede in ’n treinongeluk, en toe die polis uitbetaal is, het sy in ’n japtrap vir haar en die kinders ’n smart huis in die woonbuurt van Roxy gekoop. Weg van Gumaville se arm bure en vuil brakke.
Maar Gumaville se inwoners wil háár eenvoudig nie los nie. Veral nou ná haar skoonsuster Hanna se begrafnis word haar drumpel skielik deurgetrap. As dit nie haar swaer Sparkie is nie, is dit haar seun Ashwin se onbeholpe gilfriend Lucretia, of die welaf eiendomsagent Rocky van der Merwe. Kan almal om haar haar nie ’n slag in rus en vrede laat nie? Wat moet die bure dink?
’n Tong-in-die-kies roman deur die skrywer van Kroes en Die val van die dice.
Pat Stamatélos skeer die gek met wit, met bruin, met swart. ’n Eg satiriese roman wat ’n mens uit jou maag laat skater, grinnik en kop skud oor die aardigheid van menseverhoudinge in ons geliefde land.
ISBN: 9780795703072
Datum Vrygestel: 01 Oktober 2010
Prys: ongeveer R 180.00
Formaat: Sagteband, 320pp
Vier begrafnisse en ’n troue
(Stuur enige resensies of bydraes na bydraes by roekeloos.co.za)
