Die lokvideo van Die Antwoord se nuwe album, Ten$ion, is van die internet verwyder nadat die groep glo nie toestemming van die kunstenaar Jane Alexander gekry het om na haar bekende beeldegroep “The Butcher Boys” te verwys nie.
“The Butcher Boys” is in 1985 en 1986 deur Alexander geskep om die magte van apartheid in Suid-Afrika uit te beeld.
Die beeld word in die Iziko Suid-Afrikaanse Nasionale Kunsmuseum uitgestal.