Dertig jaar na die première en na dawerende sukses, kom William Kentridge en die Handspring Puppet Company weer bymekaar om Faustus in Africa! aan te bied by The Baxter van 26 Februarie tot 22 Maart 2025. Hierdie samewerking is ‘n verwerking van hul veelbekroonde 1995-produksie met dieselfde naam, geregisseer deur Kentridge, met ontwerp en marionetmeesterskap deur die Handspring Puppet Company en Lara Foot as assistentregiseur. Die indrukwekkende rolverdeling bestaan uit Atandwa Kani, Jennifer Steyn, Wessel Pretorius, Eben Genis, Mongi Mthombeni, Asanda Rilityana en Buhle Stefane. Hierdie vrolik oneerbiedige ontmoeting met die ‘Faustian Pact’ is ‘n tydlose verhaal en bly ‘n kragtige metafoor vir ons tyd. Die temas van kompromie is universeel. Hulle maak dringend sin vir elke opeenvolgende geslag. Die verraad van ‘n mens se beter oordeel vir korttermynwins verlei ons almal en is die brandende vraag agter ons oorwegings wat onderliggend is aan die desperate probleme waarmee die wêreld vandag te kampe het. Faustus in Africa! is ‘n harmonieuse mengsel van teater en poppespel, met musiek deur Warrick Sony en wyle en James Phillips, wat Kentridge se animasies onderstreep. Faustus gaan op ‘n donker komiese reis om alles te geniet wat Afrika bied. Sy safari word ‘n amok van hebsug en passie.
