skeitBANG

Na die sukses van Testosmoroon. ´n rugbymoroon, verruil Leon Kruger sy rugbybal vir ´n vrou in ´n komedie oor ´n 31 jarige bachelor wat skeitBANG is vir trou. hoekom?

Volgens hom het hy nog nie die vrou ontmoet wat hom verdien nie. Tot hy haar ontmoet . . . Na 3 koffies en ´n belustige aandete vra hy haar om by hom in te trek, want saambly is ´n gerieflike agterdeur as jy voel sy het klaar die voordeur gesluit – daar’s nog kans om weg te kom. Hy misgis hom, want selfs die dikvelligste, domste man kom op ´n punt in sy lewe waar hy besef: Hierdie is dalk nie die langste one night stand in die geskiedenis nie. Dit is nie normaal vir ´n player van sy formaat om vir haar te kyk terwyl sy slaap nie en die girl maak ´n damn beter aartappelslaai as sy ma!

Ons ontmoet die verloofde wat haar troue met militêre presisie beplan. ´n Ma wat weier om van haar oudste seuntjie te skei. ´n Dosent wat glo ´n man kan nie langer as 4 weke ´n verhouding met een vrou hê nie – want na 4 weke gaan sy uitvind wie jy werklik is en dit wil jy nie hê nie. ´n Bachelor in die koekiefabriek, ´n oupa wat op 70 nie weet ´n vrou kan ook ´n orgasme kry nie en ´n jong man wat deurtrek is met die siekte, lamgeit.

Kruger is al deur die Argus beskryf as een van die snaaksste akteurs in ons land. gaan kyk hoekom.

Sluit aan by die Gesprek

1 Kommentaar

Lewer kommentaar

Lewer kommentaar