Skoenlapper

Alex het ’n teorie oor chaos. Waar hy ookal gaan, volg dit hom.

Dis hoekom hy joernalis geword het en hom nou in Tanzanië bevind. By ’n troue iewers tussen Dar es Salaam en Arusha ontmoet Alex vir Ranna, ’n vryskutfotograaf met ’n bos swart krulhare, ’n t-hemp wat sê Dr. Seuss is altyd reg, en ’n verlede waaroor sy nie praat nie. Alex wat lankal nie meer in Die Liefde glo nie, weet: dit is hoe dit voel.

Maar dan haal die chaos hom in. Eers begin dit onophoudelik reën en paaie en dorpies spoel weg. En dan, wanneer die lyk van ’n Amerikaanse IT-biljoenêr op ’n strand uitspoel, word dit duidelik dat Ranna met rede haar verlede probeer begrawe. Waarom anders stel die polisie skielik in haar belang?

Skoenlapper / deur Irma Venter — Human & Rousseau, 10 Junie 2012. — 352 p. ; sagteband. — ISBN 9780798156738 : R180.00

Taal: Afrikaans
Sleutelwoorde: Irma Venter, Skoenlapper

(Stuur enige resensies of bydraes na bydraes by roekeloos.co.za)