Die Stad Kaapstad gaan weer die feestyd en die somer afskop op skouspelagtige verwelkom met die gratis jaarlikse buitelug konsert by die Grand Parade met die aanskakeling van die Feesligte wat op Sondag, 1 Desember 2024 plaasvind.
Hierdie ikoniese gebeurtenis, nou in sy 55ste jaar, verenig mense van alle kulture, agtergronde en ouderdomme van regoor die stad en verder, vanjaar se tema is juis “Cape Town: People of Hope.”
Die sterbelaaide konsert sluit Mafikizolo in, die sielvolle klanke van Fagrie Isaacs en Candice Thornton, reggae-legendes Dr Victor & die Rasta Rebels, en die elektroniese beats van Mörda.
Verwag ‘n aand gevul met uiteenlopende optredes, van die skare-gunsteling 3 Tons of Fun tot Wynand en Cheree Strydom, die betowerende harmonieë van Blackbyrd, en die klassieke bewegings van die OG Dancers.
Plus, gewilde DJ Caycee, Carletheia, Ouma Sarie en Meneer Cee wat aansteeklike energie na die Grand Parade-verhoog sal bring.
Vanjaar se feesvieringe sal gelei word deur niemand anders nie as Alan Committie en Lunga Tshuka wat die aand met hul kenmerkende humor en sjarme sal lei.
Soos altyd sal die geleentheid ‘n veilige en gesinsvriendelike atmosfeer bied, wat alle Kapenaars uitnooi om die vreugde en warmte van die feesseisoen te ervaar.
Datum: Sondag, 1 Desember 2024
Tyd: 16:00 – 22:00
Plek: Die Grand Parade, Kaapstad (voor die stadsaal) en Adderleystraat
Koste: Gratis
