Mavis van der Merwe – Reconstructed is die hartseerstorie van ´n boereseun wat vlug uit die platteland om ´n nuwe lewe te begin in die stad. Hier lewe hy (of is dit sy?) ´n dubbelle lewe.
Dan daag sy alkoholisniggie, Bernice Strydom, op – ´n werklose transvestiet wat as prostituut ´n bestaan probeer maak. Saam, voor hulle spieëls, bespreek en herleef hulle hulle kinderdae.
Mavis wil nie ´n bordjie om die nek gehang word nie – sy is nie ´n fopdosser nie. Sy is wat sy is – ´n man in vroueklere. Sy wil haar eie identiteit in die nuwe Suid-Afrika hê …
Mavis van der Merwe – Reconstructed is ´n komedie – komies geskryf met ´n ernstige boodskap. Die eerste helfte van die vertoning bevat gunstelingliedjies van onder andere Amanda Strydom en die musiekblyspele/films Moulin Rouge en Cabaret.
Met Paul de Ville, André Steyn, Pieter Jonas, André Terblanche, Heinrich Jonas, Donna Europa & Siswe Higa. Musikale verwerkings deur Paul de Ville. Op 18 Junie om 19:30 by die Ou Meulteater in Paarl.
Die Rietrivier Wynkelder borg die vertoning en bied ´n gratis wynproe en peuselhappies aan. Wyn sal ook teen kelderpryse te koop aangebied word. Sherry sal heelaand gratis beskikbaar wees.
Discover more from Roekeloos.co.za
Subscribe to get the latest posts sent to your email.