Die slagter is terug!

Na jare op die pad met hierdie treffer het Jemma Kahn besluit om bietjie te rus … maar dis verlede jaar se nuus.

Jemma het nou weer haar tower-doos afgestof en bring weer ’n vars Epicene Butcher op die planke. The Epicene Butcher and Other Stories for Consenting Adults is binnekort by Alexander Upstairs in Kaapstad vir diegene wat nog nooit die voorreg gehad het om hierdie Suid-Afrikaanse treffer te sien nie.

Kahn gebruik tradisioneel Japannees-Boeddhistiese tegnieke van storie vertel uit  die 12de eeu om sewe unieke kontemporêre stories oor te dra aan haar gehoor.

Die stuk is ’n mengelmoes van manga, seks, gotiese rillers en popkultuur wat gehore van hier tot in Europa in vervoering gehad het.

As jy een maal per jaar in die teater kom, is dit die stuk wat jy wil sien.

Met: Jemma Kahn

Regie: John Trengove

Teks: Gwydion Beynon

Illustrasies deur Jemma Kahn, Carlos Amato & Gwydion Beynon

Alexander Upstairs, Kaapstad

27 tot 29 Augustus 2019 en 3 tot 6 September 2019

Lewer kommentaar

Lewer kommentaar