Kopverskuiwende en vernuwende gevier by 2014 Kanna-toekenings

Vernuwende denke in die kunste was tydens die Absa KKNK se afgelope Kanna-toekenings die oorheersende tema waar baanbrekers in die kunste vereer is en nuwe stemme beloon is. Die spoggeleentheid het plaasgevind op Sondag 11 Mei by die Mount Nelson Hotel in Kaapstad.


Tydens die funksie is die volgende persone vereer vir hul bydrae, rol en diens aan die kunste;

Afrikaans Onbeperk vir Lewensbydrae – T.T. Cloete en Koos Human
Afrikaans Onbeperk vir Vernuwende Denke – Nataniël
Afrikaans Onbeperk vir ’n Jong Stem – Christiaan Olwagen
Kuns Onbeperk vir Diens aan die KKNK – Franklin Sonn
Kuns Onbeperk vir Lewensbydrae – Thandi Klaassen
Kuns Onbeperk vir Vernuwende Denke – Jaco Bouwer
Kuns Onbeperk vir Vertolking – Sandra Prinsloo en Shaleen Surtie-Richards
Kuns Onbeperk Kruispunt – Coenie de Villiers en Zolani Mahola

Rhodé Snyman, wat ook tydens die funksie aangewys is as die nuwe Uitvoerende Hoof van Kuns Onbeperk het die pryswenners geluk gewens en gesê dit is vir dié fees ‘n voorreg om erkenning te gee aan die uitblinkers op vanjaar se 20ste fees. “Die Absa KKNK kon nie vir ‘n groter verjaardaggeskenk gevra het, as vanjaar se ryk oes aan nuwe werk van hoogstaande gehalte nie. Ons hoop dat hierdie werk ook elders speelkans sal kry.

Die Kannapaneel het vanjaar meer as 100 produksies, wat oor die 50 debute insluit, beoordeel. “Die Kannapaneel was vanjaar geweldig beïndruk met debuutproduksies, veral wat Toneel betref. Die paneel was dit eens dat vanjaar se Toneel-aanbod een van die heel beste in jare was. Ons is ook opgewonde oor die nuwe kategorie vir Beste Komedie – verskeie opwindende en verruimende produksies het hiervoor in aanmerking gekom. Baie geluk aan almal wat genomineer is en natuurlik aan die uiteindelike wenners. En ’n groot dankie aan die kundige en ywerige Kannapaneel vir al hul harde werk en entoesiasme.” – Erns Grundling, sameroeper van Kannapaneel

Hier volg die lys van die 2014 Absa KKNK Kanna-toekenings.

Kanna vir Beste Teater-aanbieding
Dogma

Kanna vir Beste Komedie
Waterpas

Kanna vir Beste Akteur – Manlik
Gerben KamperSamsa-masjien

Kanna vir Beste Akteur – Vroulik
Antoinette KellermanSamsa-masjien

Kanna vir Beste Musiekproduksie
Finding Emo

Kanna vir Beste Klassieke Musiekuitvoering
Homage – ’n Huldiging van Suid-Afrikaanse komponiste

Kanna vir Beste Regie
• Jaco Bouwer – Samsa-masjien

Kanna vir Beste Debuutwerk
Dogma

Slurpie Kanna vir Beste Opkomende Kunstenaar
Richard September vir sy spel in Rondomskrik

Herrie Kanna vir Kopverskuiwende Werk
Samsa-masjien

Kanna vir Beste Visuele Kunsaanbieding
Hannelie TauteRubber ever after

Eervolle vermeldings:
Op versoek van die Kannapaneel is daar vanjaar ’n eervolle vermelding vir die puik ensemble-spel van die akteurs in Dogma en Rondomskrik.

Samsa-masjien
Samsa-masjien

Vanjaar se Kannapaneel was Erns Grundling (sameroeper), Abduraghmaan Adams, David April, Charl Bezuidenhout, Ronnie Burton, Diane de Beer, Chrisna du Preez, Cornelia Faasen, Deon Maas, Laetitia Pople, Louis Pretorius, John Theodore, Cobus van Bosch, Johan van der Merwe, Naudé van der Merwe en Celeste Williams.

Al die produksies op die amptelike feesprogram kom in aanmerking vir ’n Kanna en vanjaar was daar benoemings in elf kategorieë – die Kanna vir Beste Komedie is ’n nuwe kategorie.

Lewer kommentaar

Lewer kommentaar