Na aanleiding van Lag uit die HAT uit kom die vraag: Wat sê die WAT hiervan?

Die slegte nuus is die WAT-versameling (dis dié Woordeboek van die Afrikaanse Taal) by Roekeloos.co.za gaan tans net tot by KJ. Soos jy dalk gelees het begin die sports eers hier by N rond.

Die uitsondering is “doos”. Die vyfde en laaste definisie van “doos” in die WAT is die “plat” weergawe; of dalk glo hulle ook daarin om die lekkerste te los vir laaste: “Vroulike skaamdeel”.

Hierdie onnodige geskamery word opgevolg met ’n paar uitdrukkings: “Uit die ou doos.” Almal ken die antwoord op daai een: ’n Laatlammetjie.

Maar dit is “Doos van Pandora” wat mens laat jammer voel vir dose. As jy nie die storie ken nie, in een sin: Zeus stuur Pandora aarde toe met haar doos om vir Prometheus te kom straf. En so vertel die WAT dit verder: “Sy broer Epimetheus het haar tot vrou geneem en die doos oopgemaak waaruit alle ellende op aarde versprei het.” Sjoe, wat ’n doos.

Ondersteun asseblief die mense van die WAT en skenk vir Roekeloos.co.za die volumes wat kort in hulle versameling. Die eerste deel van S, tot by Skooier, het laaste verskyn. Werk aan die WAT het reeds in 1926 begin, so hulle het die geld nodig om klaar te maak, asseblief.

WAT se mense

(“Eva Prima Pandora” (circa 1550), Jean Cousin)

Lewer kommentaar

Lewer kommentaar