Die musiek van Braam du Toit

Hierdie eenmalige program, aangebied deur die ATKV, sluit onder andere musiek in uit die teaterproduksies Land van Skedels, Balbesit, Die Kortstondige Raklewe van Anastasia W. en ook die bekroonde opera, Poskantoor. Toonsettings van gedigte deur Marlene van Niekerk, Donald W. Riekert en Tertius Kapp sal ook uitgevoer word.

Saam met Magdalene Minnaar op die verhoog is mezzo-sopraan Vasti Knoesen, Liesl Stoltz (fluit), Beatrix Mari du Toit (klarinet) en die bekende Portugese pianis Jose Dias. Die Progress Marsjeerorkes sal by die hulle aansluit vir uittreksels uit Nicola Hanekom se Land van Skedels asook ’n nuutgekomponeerde werk.

Saterdag 17 Oktober 2015 om 19:30
Moederkerk, Swellendam
R100 (volwassenes)
R80 (pensionarisse)
R60 (skoliere)