Drie debuutproduksies by die 20ste Absa KKNK is voor in die koor met Kanna-nominasies in verskeie kategorieë. Dogma, Rondomskrik en Samsa-masjien het elk ses nominasies ontvang.
Twee van die regisseurs, Christiaan Olwagen (Dogma) en Jaco Bouwer (Samsa-masjien), kry ook vanjaar erkenning met die Absa KKNK se Afrikaans Onbeperk-vererings.
Twee jong akteurs in Braai, Dean-John Smith en Edwin van der Walt, is benoem vir die Slurpie Kanna vir Beste Opkomende Kunstenaar. Braai, geskryf deur die joernalis Willemien Brümmer, is die eerste wenteks van Die Dagbreek Trust-teksontwikkelingsprojek.
Die Kannapaneel het vanjaar meer as 100 produksies, wat oor die 50 debute insluit, beoordeel. “Die paneel se ywer, kundigheid en entoesiasme tydens ons oggendvergaderings se driftige besprekings was merkwaardig,” sê Erns Grundling, sameroeper van dié paneel. “Hulle het gemiddeld meer as 30 vertonings elk tydens die week gekyk en ná deeglike besinning op die uiteindelike nominasies besluit.”
Al die produksies op die amptelike feesprogram kom in aanmerking vir ’n Kanna en vanjaar is daar benoemings in elf kategorieë – die Kanna vir Beste Komedie is ’n nuwe kategorie.
Die wenners word op Sondag, 11 Mei aangekondig in die Mount Nelson-hotel in Kaapstad. Owen Claassen, ’n plaaslike Klein-Karoo-kunstenaar, maak weer vanjaar die wenners se beeldjies. Die Kannapaneel het besluit op die volgende nominasies vir die “Klein Karoo Oscars”:
Kanna vir Beste Teater-aanbieding
• Dogma
• Rondomskrik
• Samsa-masjien
Kanna vir Beste Komedie
• Die lelike eend
• The Epicene Butcher
• Waterpas
Kanna vir Beste Akteur
• Albert Pretorius – Dogma
• Gerben Kamper – Samsa-masjien
• Richard September – Rondomskrik
Kanna vir Beste Aktrise
• Anna-Mart van der Merwe – macbeth.slapeloos
• Antoinette Kellerman – Samsa-masjien
• Rolanda Marais – Dogma
Kanna vir Beste Musiekproduksie
• Arno en Francois
• Finding Emo
• Hart en see – Laurika Rauch en Elvis Blue
Kanna vir Beste Klassieke Musiekuitvoering
• 7 dae van die Skepping
• Homage – ’n Huldiging van Suid-Afrikaanse komponiste
Kanna vir Beste Regie
• Christiaan Olwagen – Dogma
• Hennie van Greunen – Rondomskrik
• Jaco Bouwer – Samsa-masjien
Kanna vir Beste Debuutwerk
• Dogma
• Rondomskrik
• Samsa-masjien
Slurpie Kanna vir Beste Opkomende Kunstenaar
• Dean-John Smith vir sy spel in Braai
• Edwin van der Walt vir sy spel in Braai
• Richard September vir sy spel in Rondomskrik
Herrie Kanna vir Kopverskuiwende Werk
• Dogma
• Rondomskrik
• Samsa-masjien
Kanna vir Beste Visuele Kunsaanbieding
• Hannelie Taute – Rubber ever after
• Phillemon Hlungwani – Mi Kondzo Ya Tinghwazi (In the footsteps of heroes)
• Michael Hammond – Orania
Eervolle vermeldings:
Op versoek van die Kannapaneel is daar vanjaar ’n eervolle vermelding vir die puik ensemble-spel van die akteurs in Dogma en Rondomskrik.
Vanjaar se Kannapaneel is Erns Grundling (sameroeper), Abduraghmaan Adams, David April, Charl Bezuidenhout, Ronnie Burton, Diane de Beer, Chrisna du Preez, Cornelia Faasen, Deon Maas, Laetitia Pople, Louis Pretorius, John Theodore, Cobus van Bosch, Johan van der Merwe, Naudé van der Merwe en Celeste Williams.
