Die multimedia-vertoning Ingrid Jonker Wêreldwyd bevat ‘n rykdom van visuele en ander materiaal wat die internasionale trefkrag van Ingrid Jonker en haar werk illustreer.
Dit sluit oa in: uittreksels uit dokumentêre video’s, gesprekke met André Brink, Jan Rabie, Marjorie Wallace, W.A. de Klerk, Jana Cilliers; musiek-video’s van bekendes soos Chris Chameleon, Laurika Rauch, Helena Hettema, Hollandse en Belgiese sangers, ook Stefans Grové; voorlesings van gedigte deur Antjie Krog, Ingrid Jonker self, vertalings in Spaans, Zoeloe, Portugees, Pools, selfs Albanies; ballet en drama, kunswerke en unieke foto’s.
Ingrid Jonker se naam weerklink van Kaapstad tot Vancouver, Amsterdam, Hong Kong, Beijing, van Leuven tot Coimbra, Sicilië tot Zimbabwe, Miami, Istanbul, Moskou, St. Petersburg. Athene, Los Angeles, Texas, New York, Zurich, Poznán in Pole, Tirana in Albanië … Hierdie multimedia program bring hulde aan Ingrid Jonker van oral oor die wêreld.
Ingrid is vanjaar in Julie 50 jaar gelede oorlede. Na afloop van die program sal daar ‘n bespreking wees en die publiek kan vrae vra aan die kenners. Sy het op ‘n jong leeftyd gesterf maar diep spore nagelaat.
Samesteller: Petrovna Metelerkamp
Genre: Multimedia
Taal: Afrikaans
Tydsduur: 50 minute
Kaartjies: R80
Plek: Burgersentrum, Hermanus
Datum: Vrydag 7 Augustus 2015, 18:00
Ingrid Jonker Wêreldwyd,
Roekeloos,
20 Julie 2015.
Is dit iewers aflaaibaar?