Stachys rugosa var. linearis ’n Kruidagtige struik wat in die Oos-Kaap voorkom. Die plant is wit-wollerig met pienk of lilakleurige blomme wat in die somer verskyn.
Kategorie Argiewe:Struike
Kaapse stokroos
Sparmannia africana’n Groot, immergroen struik / boom wat tot 7 meter hoog groei. Dit hou van goeie grond en baie water. Dit groei in son of halfskadu. Jy kan dit voortplant deur steggies.Die blomme verskyn vanaf die winder tot lente. Dit is wit met kleurryke meeldrade.(foto: Kurt Stüber)
Bergbruidjie / Trots-van-Franschhoek
Serruria floridaDie bergbruidjie kom natuurlik voor in die berge van die Suidwes-Kaap. Dit is ’n immergroen struik wat tot 1,6 meter hoog word.Die sysagte, donsagtige blomme is ligpienk tot donkerpienk en verskyn in die winter en lente.
Kanarieklimop
Senecio tamoidesDie kanarieklimop is ’n welige immergroen plant wat natuurlik voorkom in die Oos-Kaap en KwaZulu-Natal.Die plant se geel blomhofies verskyn in die herfs. In die winter sterf die plant terug.Dit het ’n stut nodig. In die natuur groei dit teen bome op. Dit kan egter gesnoei word om ’n struik te vorm.
Boerboon
Schotia afra var. afraDie boerboon kan as strik of boom gebruik word in die tuin. Dit word tot 5 meter hoog. Die digte rooi of pienkrooi blomme verskyn in die lente.(foto: Andrew Gillespie)
Skoonma-se-tong
Sansevieria trifasciataSkoonma-se-tong is inheems aan Angola. Hulle verkies goed gedreineerde grond, maar meeste tuingrond sal geskik wees. Steggies groei baie maklik in sandgrond. Moet hulle nie te veel water gee nie.Die plant is basies immergroen, meerjarige blare wat styf en regop groei. Hulle kan tot 1 meter lank word.
Strandsalie / Geelblomsalie
Salvia africana-luteaStrandsalie is ’n immergroen struik wat inheems is aan die Suidwes-Kaap. Die geel blomme verkleur vinnig rooibruin. Die blomme verskyn in die lente en somer.
Seweweeksvaring
Rumohra adiantiformisHierdie grondvaring kom voor in die tropiese en subtropiese dele van Afrika. Die driehoekige blare is leeragtig en breed.
Bergrooigras / Rooihaargras
Rhynchelytrum repensBergrooigras word tot 1 meter hoog met blomare wat 150 mm lank is. Die blomare is pers, maar dit verkleur geleidelik na pienk en uiteindelik silwer.
Gewone wilderosyntjie
Rhus pyroides’n Digte struik wat tot 5 meter hoog raak. Dit groei dikwels langs waterstrome in die meeste dele van Suid-Afrika.