Hoodia dregeiDie wolweghaap is ’n meerjarige, blaarlose, bosagtige sukkulent met lang dorings. Die blomme is ligbruin en bedek met wit hare.Die plant kom voor in Prins Albert en Beaufort-Wes.
Kategorie Argiewe:Struike
Bitterghaap
Hoodia bainiiDie bitterghaap is ’n meerjarige, blaarlose, bosagtige sukkulent met lang dorings. Die blomme is tot 75 mm in deursnee en is grysgroen en pienk getint. Die blomme verskyn in Oktober.Die plant kom voor in die droë dele van Namakwaland en die karoo.(Grafika: Harriet Anne Thiselton-Dyer)
Rooisewejaartjie
Helipterum eximium Hierdie tipe struike kom net natuurlik voor in Suid-Afrika en Australië. Die papieragtige, sewejaartjieagtige madeliefieblomme word gewoonlik in die winter gedroog vir blommerangskikkings. Hulle groei maklik van saad en aard goed in arm grond wat maklik dreineer.Die rooisewejaartjie kom natuurlik voor in die Suidwes-Kaap. Die struik word tot 1 meter hoog. Dit het …
Sporrie
Heliophila coronopifoliaSporrie is inheems aan die Suidwestelike Kaap. Kweek hulle in vol son in grond wat maklik dreineer. Die plant word sowat 600 mm hoog. Die blou blomme verskyn in die lente.(foto: David J. Stang)
Kooigoed
(Helichrysum petiolare)’n Struikagtige, spreiende meerjarige plant wat in die suide van die Wes-kaap voorkom. Die blare is silwerwit en viltagtig. Dit dra room- of ivoorkleurige blomme wat in die somer verskyn. Die plant word sowat 1,2 meter hoog.(foto: David J. Stang)
Wilde-fuchsia
Halleria elliptica’n Klein immergroen struik/boom wat natuurlik voorkom in die Suidwes-Kaap. Hulle is droogtebestand en groei in enige grond.Die oranjerooi blomme verskyn in die herfs. (foto: Jon Richfield)
Groei aalwyne vinniger met piesangskille
Natalse baakhout / Natalse bottelborsel
Greyia sutherlandiiDie genus is vernoem na Sir George Grey, bekende goewerneur aan die Kaap in die neëntiende eeu. Dit kan as struik of boom geplant word. Hulle groei baie vinnig.Die Natalse baakhout word tot 7 meter hoog. Die rooi blomme verskyn in die lente.
Transvaalse baakhout / Transvaalse bottelborsel
Greyia radlkoferiDie genus is vernoem na Sir George Grey, bekende goewerneur aan die Kaap in die neëntiende eeu. Dit kan as struik of boom geplant word.Die Transvaalse baakhout word tot 5 meter hoog en in die winter en lente dra dit skarlakenrooi blomme.
Kruisbessie
Grewia occidentalisDie kruisbessie kom wyd voor in Suid-Afrika, behalwe die Noord-Kaap. Die kan geplant word as struik of klein boompie.Dit dra stervormige blomme in skakerings van pienk en ligpers.Die plant groei maklik in halfskadu.